Påska er ei ettertrakta tid på hytta og ein har alltid hatt turnus på denne etter alder på dei fem syskena. Dette er vidareført slik at det no er respektive slektsgreiner som har rett etter oppsett turnus.

Det er ønskeleg at hytta blir brukt mest mulig for å få inntekter til hytta. Mange personar, både slekt og mulige venner, og leige alle døgn/netter hjelper godt. Slektsgreina som har påsketur bør ta dette ansvaret ved sin kontaktperson med å fylle flest mulig av påskedagane blant sine. Slik avklaring bør vera på plass innan ein månad før påske. 

Men - kva skjer dersom det likevel vert ubrukte dagar i påska, kven får muligheten til å reise?

Etter vurderingar mellom Brita, SteinRa og JonS ville det ideelle vera ei likeverdig fordeling blant alle slektningane på familie og personnivå, og med OVERORDNA MÅL om å utvida kretsen av hyttebrukarar i slekta. Me foreslår følgjande praksis: 

Samtidig utlysing av ledige påskedagar i Postkassa på nettsida, og til registrerte  epostadresser og mobiltelefonnummer til slektningar som har meldt seg på med dette, sjå Slektstreet. Annonsering skjer så fort me har fått avklaring frå slektsgreina med årets fyrsterett - helst før ein månad før påske.

Påmelding for interesse med bruk av Kontaktsida, epost eller SMS innan fastsett frist (ein månad før påske eller 3 dagar ved under ein månad før påske). Meld frå kven dagar som er aktuelle (eventuelt etter prioritet), kven og kor mange personar som er aktuelle.

Tildeling av hyttedagar etter omvendt ansiennitet med prioritet etter følgjande kriterier:

1. Kor lite den/dei aktuelle har leigd/vore på hytta og kjenner denne totalt sett.
2. Kor lenge sidan den/dei aktuelle slektningane har brukt hytta i påska.
3. Mellom "tilnærma likeverdige interessentar" vil dei med flest overnattingspersonar kunne få prioritet for å auke inntektene til hytta.

Er det fleire interesserte, bør påska delast i to periodar eller meir, etter samråd med dei interesserte. Den aktuelle bør fortrinnsvis vera med på å fylla hytta med flest mulig personar og legga fram dette i si påmelding.

Den slektsgreina som ikkje brukar turen sin mister denne, forutsett nødvendig informasjon om turnus. Bytting av tur på tvers av greinene vert uoversiktleg for alle, turnusen bør ligga fast.

Me ber om forståing for intensjon med dette forslaget og at me i praksis må samarbeide med godt skjønn frå alle kantar. Det er Brita og SteinRa som vil vurdera interessentane opp mot kvarandre og avgjera kven som får bruka hytta.

Det vil vera opplysningane som ligg opent i slektstreet som er grunnlaget for utsending av direktetilbod om ledige dagar. Kontroller at det ligg rette opplysningar inne og meld eventuelt frå om endringar for deg/dine til jon@kva.no. Alternativt kan familie og kontaktpersonane for slektsgreinene formidlar til sine, alle bør få muigheten.